Engin ástæða til að ýta undir verðhækkanir

Því er slegið hér upp að við eigum von á verðbólguskoti.  Takk fyrir - ef einhverjir hafa verið tvístígandi um að hækka verð sín, þá er hér með búið að hvetja enn frekar til þess.

Ef brauð hækka um 8,1% er eina svar neytenda að minnka við sig brauðát.
Ef landbúnaðargeirinn boðar hækkun lambakjöts vegna mikillar eftirspurnar erlendis, þá ætlum við ekki að standa í vegi fyrir útrásinni í lambakjötinu og skiptum yfir í aðra matvöru.

Markaðurinn getur snúist til varnar gegn boðuðum verðbólguskotum - og það eigum við að gera.

Ýtir upp verðvísitölunni

Éttann sjálfur!

Fjármálaráðherra Íslendinga er stundum orðljótur og á það til að böðlast um í þingsal.  "Éttann sjálfur" er eitt af minnisstæðum framígripum Steingríms á löggjafarþinginu.

Það er ekki við hæfi að forseti Alþingis "kói með" honum og dreifi málinu með því að biðja "þingheim í heild" að gæta orða sinna.  Á vinnustöðum og í skólum er talað beint við þann sem hagar sér illa og þarf að atyrða.

Og skammastu þín Árni Johnsen

Skilnaður lista, stjórnvalda og atvinnulífs?

Nú er í tísku hjá listafólki að aðgreina sig framáfólki í atvinnulífi og stjórnmálum.

Tilgangurinn með samkrulli við atvinnulíf og stjórnmál hér áður var kannski að fá gott veður um fjárveitingar, stuðning og aðstöðu.  Settir voru peningar í menninguna, fjármögnuð gallerí, sýningar og annað í þeim dúr.

Núna hefst kannski nýtt tímabil, þar sem listin stendur á eigin fótum, óháð og sjálfstæð frá áhrifum stjórnmála, skattpeninga eða fjármálamanna?

Engir ráðamenn í hlutverki á Grímunni

Árni talar íslensku

Samúð lesenda Morgunblaðsins er hjá fólkinu sem hefur barist í bökkum og missir núna allt.  Það er skömm að sú ríkisstjórn sem hafði umsjón með endurreisn bankanna skuli kenna sig við norræna velferð.

Verið að fremja níðingsverk í bönkunum

Aðeins "milljónir"?

Kyrrsetning einhverra hundraða milljóna virðist nú ekki mikið í ljósi tuga og hundraða milljarða sem þessir herramenn hafa verið að sýsla með.  Verður þetta aðeins kattaþvottur?

Eignir Jóns Ásgeir og Hannesar kyrrsettar

Vanræksla stjórnvalda til rannsóknar?

Ef stjórnvöld hafa sýnt vanrækslu í að taka á þessum málum liggur beint við að sú vanræksla verði tekin til rannsóknar af næstu rannsóknarnefnd, ef sú núverandi sleppir henni í skýrslunni á mánudag.

Næg tilefni hafa verið til kyrrsetninga meðan rannsóknir stæðu yfir - og það er komið á annað ár síðan fyrstu ábendingar komu fram í fjölmiðlum um að frysta eignir.

Eignir auðmanna frystar

Frábært! Hvað segir Stefán Ólafsson?

Það er gott að heyra að við stöndum okkur vel í þessum efnum, með 10% þjóðarinnar í fátækt.  Var prófessor Stefán Ólafsson ekki einmitt búinn að gera úttekt á þessu?

Glæsileg niðurstaða - eins og maðurinn í velferðarstjórninni sagði hér um árið.

Tíu prósent undir tekjumörkum

Af hverju voru lögin ekki einfaldlega felld úr gildi?

"Ríkisstjórnin hefði viljað aflýsa þjóðaratkvæðagreiðslunni. Forsætisráðherrann hefur þegar lýst því yfir að hún ætli ekki að kjósa," segir Dymond í stuttri fréttaskýringu á vef BBC.

Þá hefði ríkisstjórarmeirihlutinn á alþingi einfaldlega átt að fella lögin úr gildi, sem kosið er um í dag.
Af hverju var það ekki gert?

Skrítin þjóðaratkvæðagreiðsla

Eru stjórnvöld að nýta þetta tækifæri?

Eru stjórnvöld að nýta þetta einstaka tækifæri til að koma málstað okkar Íslendinga á framfæri í fjölmiðlum umheimsins?  Hverjir eru fjölmiðlafulltrúar ríksstjórnarinnar - og hvernig nýta þeir þetta okkur í hag?

Mikill áhugi erlendra fjölmiðla á þjóðaratkvæðagreiðslunni

Gengið óbreytt sl. 9 mánuði - samt verðbólga?

Gengi krónunnar gagnvart evru og USD hefur verið nánast óbreytt frá því í júní í fyrra, eða í 9 mánuði.

Samt eru innfluttar vörur enn að hækka.  Og verðbólgan þar með meiri en annars væri. 

Spá 5% samdrætti