Er þetta rétt??

Skv. töflu á vef mbl.is um viðskipti eru í töflu sýnd mestu viðskipti með bréf hjá Marel og Össuri, sem bæði hækka.  Þar á eftir koma viðskipti með bréf Bakkavarar og Foroya Bank, sem lækka lítils háttar.  Ekki er getið um Century Aluminium í töflunni, en viðskipti með bréf þeirra hljóta þá að vera brot af t.d. viðskiptum með Marel - og ættu því ekki að hafa teljandi áhrif.

Hvernig fæst þá sú niðurstaða að úrvalsvísitalan hafi lækkað?

Hlutabréf lækkuðu

Brown: Við borgum ekki skuldir óreiðumanna

"Við borgum ekki skuldir óreiðumanna" segir Brown.  Nei, mikið rétt - hann stendur vörð um sitt fólk en er búinn að sjá til þess að íslenskur almenningur borgi skuldirnar.

Íslenskir þingmenn voru honum sammála og samþykktu Icesave skuldbindingarnar.

Þakkaði Brown fyrir að bjarga Icesave

Afæturnar

Lengi vel kölluðu liðsmenn Alþýðubandalagsins sáluga kaupmenn og heildsala "afætur", sem legðu ekkert af mörkum til þjóðarbúsins.  Þeir skildu ekki gildi verzlunar og viðskipta, þar sem verðmæti ganga kaupum og sölum eftir lögmálum markaðarins, þannig að hráefni, atvinnutæki o.s.frv. leiti þangað sem þau gera mest gagn og skila mestu virði.

Arftakar og hugsjónabræður Alþýðubandalagsins, Vinstri grænir, setja núna lögin í landinu og stjórna bankakerfinu í félagi við skoðanasystkin sín í Samfylkingunni.  Verk þeirra bera þess ekki merki að skilningur á erfiðleikum verzlunarinnar, eða almennings ef því er að skipta, sé mikill.

Hættir eftir 17 ára starfsemi

Og ríkissjóður verður af peningunum

Konur vinna minni yfirvinnu og kaupa minna.  Allt þetta dregur úr umsvifum í hagkerfinu og ríkissjóður verður m.a. af virðisaukaskatti af kaupunum og tekjuskatti af yfirvinnulaununum.

Þegar svona árar og tekjur ríkissjóðs minnka, verður hann líka að draga saman seglin með samsvarandi hætti.

Efni og bætur rjúka út

Ekki lengur beinar útsendingar??

Hér áður fyrr (segjum t.d. þegar fyrri ríkisstjórn var við völd) hafði RÚV mikið við og útvarpaði eða sjónvarpaði borgarafundum úr Iðnó og Háskólabíói.  Eitthvað hefur nú dregið úr þessu undanfarið, t.d. rekur mig ekki minni til að heitum borgarafundi í Iðnó í sumar um Icesave-málið hafi verið útvarpað eða sjónvarpað í beinni, né þessum fundi núna.

Hefur Ríksútvarpið einhverja skýra stefnu í þessum málum, svo alls jafnræðis sé nú gætt?

Troðfullur salur í Iðnó

Hrópandi þögn um skjaldborgina

Það var þá að mótmælendur landsins fundu sig og hrópa sig nú hása yfir leigu kanadísks fyrirtækis til að nýta jarðvarma sem er og verður áfram í eigu Íslendinga.  Atvinnu og fjármagni á krepputímum.

En þögnin um skjaldborg fjölskyldnanna í landinu er háværari.  Hún sker í eyru barnanna og heldur vöku fyrir foreldrum.

Verður nú fjölmennt frá ráðhúsi borgarinnar niður í ráðhús forsætisráðherra?  Eða verður pakkað saman og farið heim áður en kemur að kvöldfréttum?

Hróp gerð að borgarstjóra

Ekkert fólk = ekkert atvinnuleysi!

Er þá niðurstaðan að fólksflótti, fækkun í vinnuafli, hugviti og framtaki sé okkur til góðs??

Jú, reynum svo að losna líka við atvinnutæki, auðlindir og fjármagn.  "Less is more".  Ef við tækjum þetta alla leið, þá er vissulega ekkert atvinnuleysi eða erfiðleikar þar sem ekkert fólk er.

Stór hluti þeirra sem núna fara úr landi eru ekki að gera það sér til skemmtunar, til að "prófa eitthvað nýtt".  Það liggur einmitt fyrir núna að margt "fólk hrekst úr landi niðurbrotið eftir að hafa orðið gjaldþrota og misst vinnuna" um þessar mundir.  Frá hinu íslenska norræna velferðarsamfélagi.  Undan skjaldborginni um heimilin.

Það er enginn að mála skrattann á vegginn.  Það er engu líkara en hann ráði hér ríkjum!

Er fólksfækkun jafnvel jákvæð í kreppunni?

Þetta þekkist nú í Hafnarfirðinum

Austurgatan í Hafnarfirði er einmitt með þessum eindemum.  Einstefna í báðar áttir og bannað að aka inn í hana frá hvorum endanum sem er...

Einstefna í báðar áttir

Heilu landshlutarnir!

Svo við skoðum þennan áætlaða landflótta 10 þúsund manns og setjum í samhengi við stöðuna í dag...

Íbúar Vestfjarða eru rúmlega 7 þúsund
Íbúar norðurlands vestra eru rúmlega 7 þúsund
Íbúar austurlands eru um 13 þúsund

 

Tíu þúsund manns

Þetta gera samtals um tíu þúsund manns á þessum þremur árum.

Gera má ráð fyrir að í þessum hópi sé fólk með menntun, færni og dugnað til að koma undir sig fótunum í öðrum löndum - og Ísland missir af starfskröftum þeirra.  Ætli forsendur vegna Icesave og fjárlagagerðar taki þennan missi okkar inn í áætlanir sínar?

Jafnvægi í búferlaflutningum 2012